الاثنين، 10 مايو 2010

Do it Now

 بسم الله الرحمن الرحيم







فمابلك باللي يحتفط بلأوراق من أول ما دخل الجامعه لي بعد التخرج..
تخيلوو شكثر أوراق ونوتز ووو..محتفظه فيهم.. كلهم  عشان اخليهم ذكرى ..(الله يغفرلج يا ذكرى)

وفي يوم من الأيام قررت ..ألغي هالحوسه ..
فشمرت الأكمام  ..وبدأت ببسم الله... وباشرت العمل...والصدمه اني احتفظ بكتب  واوراق ملوت الثانويه بعد:(

صعّب عقب هالعشره .. اتخلص منهم..وصعّب أخليهم..أمران .أحلاهما مرُ..

لا أخفي عليكم :p بغيت أغير رأيي وأخليهم وأشيل الفكره من راسي


بس

أبو جعفر المنصور يقول: ..إ ذا كنت ذا رأي فكن ذا عزيمة فإن فساد الرأي أن.. تـتـرددا ...

فتوكلت على الله ..وقررت أتخلص منهم .. جمعت الأوراق بس بصوب ....والنوتز والمجلات و الكتب و الجرايد( حتى الجرايد محتفظه فيهم:p لان بعضها من ناس غاليه وبعضها مكتوب اسمي  واسم الغالين فيها وبعضها فيها ....) بصوب


وكانت المحصله كالتالي :O


الاوراق بسس









النوتز و مجلات و جرايد وووو
الشاطر يقول كتاب الاصفر حق اي ماده وأي صف :

p










.
قلبي يعورني يكون مكانهم (عزكم الله) بالزباله..

قمت أدور رقم شركه إعادة تصنيع الأوراق..والحمدالله لقيت الرقم واتصلت عليهم وقالي باجر الصبح يكون عندج..(وللأمانه جو عقب باجر..)

 اللي ما يعرف شنو اعادة تصنيع الأوراق وفايدتها.. بختصار عشان يصنعون الورق ..لازم يقطعون الاشجار..تخيلوا .. يعني كل ما يبون يصنعون الورق.. راحوا يقطعون الأشجار..وغير كمية الماء المستخدمه اثناء عملية التصنيع..وهذا له ضرر كبيييير للبيئه..ومن ناحية اقتصاديه.. هالعمليه مكلفه..

أما اعادة تصنيع الورق..فهي تاخذ هالأوراق اللي ما تبونها ..( نوتز- جرايد- مجلات-...) وتعيد تصنعيهم مره ثانيه  بطريقه معينه..
 وبجذي احنا نساهم في المحافظه على البيئه 


**نصيحه..


1- اللي عنده أوراق ( مجلات- كتب قديمه- جرايد.....) يتخلص منهم  Do it Now  بتحسون براااااااحه وان الغرفه تتنفس..تحسون فيها هوواااا.. ماراح تعرفون معنى كلامي إلا اذا طبقتوا

2- خل يكون عندكم صندوق ( أو كرتون كبير).. تحطون فيه الجرايد اليوميه أو الأوراق الاسبوعيه اللي ما تبونها..وعلى نهاية الشهر او متى ما ينترس الصندوق ..اتصلو على الشركه..


رقم الشركة:

اعادة تصنيع الاوراق
94444928/7

اعادة تدوير الكتب
(ماجربتهم)
22446161
 



هناك 11 تعليقًا:

  1. السلام..

    خوش موزوع ماشاءالله..

    بيه انا الاوراق دبل اوراقج اغلب المواد احنا نوتز غير تصوير نوت البنات :\

    والكتاب الاصفر الانجليزي جنه 71 \81 صح؟

    وفي كتاب دين جنه خخخ..

    بس عجبتني الفكره و شكلج صرتي خبره تعالي طبقيها بداري :p

    خخ لا ان شاءالله اطبقها ..

    والله يعطيج العافيه يارب..

    ومشكوره..

    ردحذف
  2. وعليكم السلام والرحمه
    ياهلا وغلا برورو..

    أحس أكثر ناس فاقديناا بلجامعه ..الرابطه ( حق التصوير)..كنا اساس الربح لهم..:p (وخاصة في بنتين بلإداريه معروفين مكانهم 24 ساعه بالرابطه يصورون (احم احم ..ما اقصد أحد..)


    وو

    صحّ كتاب الاصفر مال الانقلشش..

    لووول صح كتاب دين..ماشاءالله عليج 6/6

    وهذا انتي متخرجه قبلي..للحينج ما شلتي الحوسه..
    شكلج تحبين الذكريات..:p نصيحه شيليهوم الحين قبل بعد شوي..ولا ماراح تشيلينهوم ابد..بيعورج قلبج شويه بس..بلأخير بترتاحين..

    ونورتيني والله واسعدني مروورج ..
    خلينا نشوفج..ولاتجاطعين..

    ردحذف
  3. عجيييييييييييب واختيار موفق للموضوع :))
    انا امي شرتلي اثاث غرفة يديد بسبة الاوراق والكتب والله ايدي ماتطاوعني اقلهم :( قليت اشياء بسيطة والباجي يقولون انهم بالمخزن ولو اني اشك بالامر :)
    جنا انا وصديقتي اللي بالرابطه لووووووووووووول شاكه بعد :)
    عالعموم قواج الله وناطرين التالي ولا تبطين علينا :)
    من نناني بن فهد

    ردحذف
  4. أقول انا عندي هدف أبي ادش موسوووعة غينيس للأرقام القياسية بالنسبة للأكبر كمية كتب

    ((إذا نويت أشيل الكتب أدق عليج))عندج خبرة اللحين

    ردحذف
  5. ياحي الله بنناني..
    هههههههههههههههه اشوه انج اعترفتي ان مقرج الرئيسي الرابطه :) صدقيني انهم فاقدينكم :D

    ولازم لازم ازورج..للحين خاطري بديرفه ..وخاطري الحين اشوف غرفتج..وبالمره نجيك على المخزن( يلا عاد استحي شوي ..وعزميني ..استحي اعزم عومري:p


    تصدقين ودي أكتب عن سآلفة المطار اللي صارتلج:p




    =-=-=-=-=-=-=-=-=-=-=-=-=-=-=-


    جوجو
    ان شاءالله يآرب تحقق هدفك..وكل أهدافك يارب
    بما إني ابي اشتري أكثر من كتاب ..شرايك تشتريهم عني..:p موعشان شيء بس عشان تحقق هدفك:p

    lموقصدي الكتب اللي تشتريهم تتخلص منهم .. قصدي الله يسلموك الأوراق والمجلات والحوسه..اللي ما تبيهم..او يعني تقريبا مر عليهم سنه ولا طليت عليهم..هذولا تخلص منهم..جزوا؟:p

    وأهم شيء خّلص من كتاب.. عمر عبدالكافي ترى ماصارت وانت تقراه@-@

    ردحذف
  6. واي لا انا قلبي يعورني اذا بقط مجلاتي وكتبي ..

    بس اذا كانت خاصه بالدراسة احرقهم حررراق ماعندي مشكلة لوول

    ردحذف
  7. هلا
    والله الموضوع مفيد ووايد استفدنا عندي دثره وايد مثلج ودي أتخلص منهم
    مشكوووووووووووووووووره

    ردحذف
  8. بعد هالسنين الي بيننا مستحيل ابيعكم واسوي مثلها <<بتصيح على الورقات :(

    تشكرات على التدوينة المذهلة الي ماتنسبن خخخخخ

    على فكرة دمك شربااااااااات عجبتني مدونتك بتابعك دائما ..

    كنت كاتبة رد طويل بس للأسف ذهب إدارج الويب :D

    ردحذف
  9. SweetHeart لوووووول حراق مره وحده..أحس ذكريات ووسوالف شلون تحرقينهم::::::::(

    mazyona..Do it Nowwwwwwwwwwwwwwww



    adwaa لووووول شتبين فيهوم؟؟ والله عطيهم لإعادة التدور ..أحسلج.. بترتاحييييييين راحه موبطبيعيه..

    ويسعدني ياقلبوو انج تابعيني..منورتنااا

    ردحذف
  10. عاد تصدقين يبيله

    انا احس غرفتي ماكو مكان اقعد فيه و السبة الاوراق

    كل ما اقول برتب و جذي ادش اشوف الغرفة اهون

    احس يبيلة وايد شغل .. يبيله قعدة ويك ايند بحالها

    و حلو انج تحافظين على البيئة انا عبالي احنا نطبق هالشي

    ان بدون ما شي .. من البلدية نفسها

    مشكوره على الموضوع

    و انشالله يكون لي وقت بين الدراسة و جذي

    عشان افضي داري خخخخ

    يعطيج العافية

    ردحذف
  11. شركة المثالية من
    اهم واكبر شركات التنظيف في المنطقة الشرقية وجميع مدن المملكه فهى حاصلة على شهادة كثيرا في التنظيف لان الشركا مصنفه من اكبر شركات التنظيف
    للمزيد تبعنا علي اليوتيوب

    شركة المثالية لمكافحة الحشرات
    شركة المثالية للتنظيف
    شركة المثالية لتنظيف المنازل
    المثالية للتنظيف

    وشركتنا تقدم لعملائنا اقل التكاليف الممكنا وشركتنا افضل شركة تنظيف فى المنطقة الشرقية معتمده من المملكه العربيه السعوديه والان سارع بالانضمام الى افضل شركة خدمات منزلية
    للمزيد زورو موقعنا
    شركة المثالية لتنظيف المنازل
    شركة المثالية للتنظيف
    شركة المثالية لمكافحة الحشرات



    ردحذف